ယခင်ထက်ပိုမိုကောင်းမွန်သော ဒီဇိုင်း၊ ပါဝင်မှုအသစ်များဖြင့် ထုတ်လုပ်လိုက်သော All New Attrage ကို Mitsubishi Motors Myanmar မှ Pre-order စနစ်ဖြင့် စတင်ရောင်းချ

နောက်ဆုံးပေါ် Dynamic Shield Design ဖြင့်ထုတ်လုပ်လိုက်သော ငါးယောက်စီး Sedan All New Attrage Mitsubishi Motors Myanmar မှ All New Attrage ကို Pre-order စနစ်ဖြင့် စတင်ရောင်းချပေးနေကြောင်း သိရသည်။ အဆိုပါ All New Attrage တွင် 57 Kw ထွက်ရှိသော 1.2 L 12-Valve 3 Cylinder DOHC MIVEC Engine ကိုအသုံးပြုထားပြီး INVECS-III CVT Transmission အသုံးပြုထားသည်။ ယခင်မော်ဒယ်ဟောင်းနှင့် သိသာကွဲပြားသော ရုပ်ထွက်အပြင် ပါဝင်သော features များမှာလည်း ဆီဒင်တစ်စီးအတွက်လုံလောက်သော ပါဝင်မှုများဟု Mitsubishi Myanmar မှဆိုထားသည်။ Attrage အသစ်တွင် Mitsubishi ၏ ပြောင်းလဲလိုက်သော Dynamic Shield Design ကိုသုံးထားကာ ရှေ့ရှဲတွင် အနီရောင်အတန်း ၂ ခုကိုထည့်သွင်းထားသည်။ ထို့အပြင် နောက်ဘက်တွင် Spoiler ပါရှိပြီး ၁၅ လက်မ အလွိုင်းဘီးများကိုတပ်ဆင်ပေးထားသည်။ အတွင်းခန်းတွင်လည်း Push Start , Smart Key စနစ်၊ အလိုအလျောက်လေအေးပေးစနစ်၊ Apple CarPlay၊ Android Auto၊ Cruise Control၊ Push-start ၊ ECO Mode Indicator ၊ 7 inch Touch Screen, Rear View Camera,USB port စသည်တို့ပါဝင်သည်။လုံခြုံရေးအနေဖြင့် ရှေ့လေအိတ် ၂ လုံး၊ABS ၊ EBD တို့ပါဝင်ပြီး အရောင် ၃ ရောင်ရွေးချယ်နိုင်မည်ဟုသိရသည်။ All New Attrage GLS Grade ကို အမေရိကန်ဒေါ်လာ ၁၉,၉၉၀ ဖြင့် ရောင်းချမည်ဖြစ်ပြီး သုံးနှစ်၊ သို့မဟုတ် ကီလိုမီတာ တစ်သိန်း အာမခံပေးထားကြောင်း သိရသည်။