ကမ္ဘာ့နာမည်ကြီး မော်တော်ကား အမှတ်တံဆိပ်တစ်ခုဖြစ်တဲ့ Audi ကားတွေကို မြန်မာနိုင်ငံမှာ တရားဝင် ရောင်းချတော့မယ်

By admweb December 10, 2019

0 Comments

ကမ္ဘာ့နာမည်ကြီး မော်တော်ကား အမှတ်တံဆိပ်တစ်ခုဖြစ်တဲ့ Audi ကားတွေကို မြန်မာနိုင်ငံမှာ တရားဝင် ရောင်းချတော့မှာပါ။ ရောင်းချဖို့အတွက် Audi Myanmar Showroom တည်ဆောက်ခြင်း ပနက်ရိုက်အခမ်းအနားကို ယနေ့ဒီဇင်ဘာလ ၁၀ ရက် နံနက်ပိုင်းက ရန်ကုန်မြို့ ပြည်လမ်း ၆ မိုင်မှာ ပြုလုပ်ခဲ့ပါတယ်။

Audi Myanmar အနေနဲ့ Audi အမှတ်တံဆိပ် မော်တော်ကား မော်ဒယ်မျိုးစုံကို ပြသရောင်းချသွားမယ့်အပြင်
အာမခံ အခွင့်အရေး၊ ပြုပြင်ထိန်းသိမ်းမှု ဝန်ဆောင်မှုတွေနဲ့အတူ ယာဉ်အပိုပစ္စည်းတွေကိုလည်း ပြည့်ပြည့်စုံစုံ
ထားရှိပြီးမှ ရောင်းချသွားမယ်လို့လဲ သိရပါတယ်။

Audi Myanmar မှ Audi ကားတွေကို လာမဲ့၂၀၂၀ အတွင်းမှာ တရားဝင်စတင်တင်သွင်း ရောင်းချမှာ ဖြစ်ပြီး ဝယ်ယူတဲ့ သူတွေအနေနဲ့ သုံးနှစ်အတွင်း ခရီးမိုင် အကန့်အသက်မရှိ ပြင်ဆင်ခွင့် အခွင့်အရေးကိုလည်း ရရှိမှာ ဖြစ်ပါတယ်။